Tanam paksa kopi

Wikipedia Minangkabau - Lubuak aka tapian ilimu

Tanam paksa kopi adolah kabijakan pamarentah kolonial Balando di Minangkabau sajak taun 1847. Kabijakan tanam paksa kopi iko ado dalam surek kaputusan Gubernur Sumatra’s Westkust Michealis (q.v) tertanggal 1 November 1847. Isi dari surek kaputusan iko mangatokan satiok kaluarga nan ado tanah dan iklim nan cocok untuak tanaman kopi, diwajibkan mananam kopi sebanyak 150 batang. Sado hasil panen kopi dijua ka gudang-gudang kopi nan alah disadiokan di kota-kota panghasia kopi. Pado tahun-tahun partamo sistem tanam paksa kopi iko dijalankan, pamarentah hanyo mambali kopi nan elok. Upah nan ditarimo panduduak dari kabijakan nan ditantukan pamarentah haragonyo jauah labiah murah dari harago panjualan kapado saudagar asiang nan barado di Padang. Pabedoan harago nan ditantukan dek kabijakan pamarentah kolonial Balando mancapai tigo kali lipek labiah randah dari harago nan ditawarkan dek saudagar asiang.[1]

Referensi[suntiang | suntiang sumber]

  1. Asnan, Gusti (2003). Kamus Sejarah Minangkabau. Padang: Pusat Pengkajian Islam dan Minangkabau. pp. 321. ISBN 979-97407-0-3.