Puaso dalam Islam

Wikipedia Minangkabau - Lubuak aka tapian ilimu

Puaso (baso Arab صوم) atau basaha dalam Islam aratinyo adolah manahan diri dari makan, minum jo sadoalah hal-hal nan dapek mambatalannyo, untuak maningkekan katakwaan saurang muslim. Parintah puaso dikecekan dek Allah pado Al-Quran surek Al-Baqarah ayaik 183.

Salain itu, puaso marupoan ciek dari limo Rukun Islam. Puaso tadiri dari puaso wajib jo puaso sunnah. Wakatu-wakatu nan diharaman untuak puaso diantaronyo adaloh: Hari Rayo Idul Fitri (1 Syawal) Hari Rayo Idul Adha (10 Zulhijjah) Hari-hari Tasyrik (11, 12, dan 13 Zulhijjah)

Definisi[suntiang | suntiang sumber]

Umaik Islam dilarang makan jo minum sajak tabik fajar inggo tabanam matoari di wakatu mugarik. Nan dianggap wakatu mulai puaso iyolah kok saurang tagak di lua ruang dapek mambedaan banang putiah dari banang itam, iyolah cahayo matoari tabik jo kalamnyo malam.[1] Puaso dipandang subagai ibadah untuak manahan diri dari hawa nafsu (makan jo minum) sarato fokus maamboan diri ka bakeh Allah.

Jinih[suntiang | suntiang sumber]

Puaso dalam Islam dibagi manuruik hukum pangarajoannyo manjadi duo hukum, iyolah wajib jo sunnah (dianjuaan). Barikuik panjalehan labiah rincinyo:

Puaso wajib[suntiang | suntiang sumber]

Puaso nan hukumnyo wajib adolah shaum nan musti dikarajoan dan ka mandapek pahalo. Kudian, kok indak dikarajoan mangko mandapek doso. Puaso-puaso wajib adolah sabagai barikuik:

Puaso sunnah[suntiang | suntiang sumber]

Puaso nan hukumnyo sunnah adolah puasi nan kok dikarajoan mandapek pahalo dan kok ditingga indak mandapek doso. Puaso-puaso sunnah di antaronyo:

  • Puaso 6 ari di bulan Syawal salain ari rayo Idul Fitri,
  • Puaso Arafah pado tanggal 9 Dzulhijah untuak urang-urang nan indak pai ibadah haji,
  • Puaso Tarwiyah pado tanggal 8 Dzulhijah untuak urang-urang nan indak pai ibadah haji,
  • Puaso Sinayan jo Kamih,
  • Puaso Daud (sahari puaso, sahari tido), batujuan untuak manaladani puasonyo Nabi Daud,
  • Puaso Tasu'a (pado bulan Muharram) dilakukan pado tanggal 9, sabalun puaso 'Asyura
  • Puaso 'Asyura (pado bulan Muharram) dilakukan pado tanggal 10,
  • Puaso 3 ari pado tangah-tangah bulan (manuruik kalender islam)(Yaumul Bidh), tanggal 13, 14, jo 15,
  • Puaso pado bulan Sya'ban (Nisfu Sya'ban) pado awa patangahan bulan Sya'ban,
  • Puaso bulan Haram (Asyhurul Hurum) iyolah bulan Dzulkaidah, Dzulhijjah, Muharram jo Rajab.

Mulo jo akhia puaso[suntiang | suntiang sumber]

Babuko puaso di musajik

Manuruik sunnah dari Nabi Muhammad S.A.W, muslim makan sabalun mulai bapuaso, nan disabuik makan parak siang (sahur). Sadoalah makan musti dihantian kok lah masuak wakatu subuah. Babeda jo wakatu salat nan lainnyo, untuak panantuan wakatu subuah ado duo definisi wakatu fajar "nan sabananyo" (fajar shadiq). Manuruik hadis, ado rantang jarak antaro pusek matoari jo ufuk langik antaro 12 inggo 20 darajaik[2] nan balansuang salamo 40 inggo 60 minik. Indak ado batasan jinih makanan nan dimakan salamo makan parak siang salamo lai halal.

Salapeh makan parak siang, dilanjuikan jo salat subuah. Indak buliah makan jo minum sasudah masuak subuah. Aia masih buliah masuak ka muluik sangkek bawudu, salamo indak dilulua dan bakalabiahan wakatu bakumua-kumua.

Puaso diakhiri jo makan katiko ari lah patang atau masuak wakatu mugarik,[3][4] nan disabuik jo babuko puaso (iftar). Wakatu babuko, muslim biasonyo makan kurma jo minum aia sabalun salat mugarik. Bekonyo dilanjuikan jo makan makanan pabukoan jo makan barek lainnyo.

Kasehatan[suntiang | suntiang sumber]

Puaso adolah salah satu caro alternatif untuak mangurangi kadar DPP-4 sarato maaktifkan paambek dipeptidyl peptidase-4 (dipeptidyl peptidase-4 inhibitor) dan managah osteoporosis. Di sisi lain, irama sirkadian mampunyoi hubuangan lansuang jo kajadian osteoporosis. Hal ko ditandoi jo ditamukannyo panando biokimia (biochemical marker), manunjuakan baso puaso pado jam-jam tatantu tiok ari, khususnyo salamo maso bapuaso amaik efektif untuak manurunkan efek osteoporosis.[5]

Rujuakan[suntiang | suntiang sumber]

  1. Frey, Wendy (1994). History Alive! The Medieval World and Beyond. Palo Alto, CA 94303: Teacher's Curriculum Institute. ISBN 978-1583719169. 
  2. "Al-Fajr As-Sadiq: A New Perspective". Al-Islam.org. 
  3. "Fasting till Night". 
  4. "QuranicPath | the Correct Time to break Fast in Ramadan". 
  5. Kormi, Seyed Mohammad Amin; Ardehkhani, Shima; Kerachian, Mohammad Amin (Jun 2017). "The Effect of Islamic Fasting in Ramadan on Osteoporosis". Journal of Fasting and Health. 5 (2): 74–77. doi:10.22038/JFH.2017.22955.1086.