Musajik Ba'angkat
| Masjid Su'ada | |
| Berkas:Masjid-baangkat.jpg | |
| Latak |  Hulu Sungai Selatan, Indonesia
|
| Afiliasi agamo | Islam |
| Provinsi | Kalimantan Selatan |
| Distrik | Simpur |
| Deskripsi arsitektur | |
|---|---|
| Jinih arsitektur | Masjid |
| Gaya arsitektur | Banjar |
| Tahun salasai | 1908 |
| Spesifikasi | |
| Bahan | Ulin |
Musajik Su’ada atau namo lainnyobanamo Musajik Ba'angkat adolah salah satu musajik tatuo di Kalimantan Selatan nan balokasi di desa Wasah Hilir,Kecamatan Simpur, Kabupaten Hulu Sungai Selatan. Masjid ko dibuek dek ulamo banamo Al Allamah Syekh H. Abbas dan Al Allamah Syekh H.M. Said bin Al Allamah Syekh H. Sa’dudin pado tanggal 28 Zulhijjah 1328 Hijriyah basamoan jo taun 1908 Masehi. Musajik ko tagak di ateh tanah wakaf punyo Mirun bin Udin jo Asmail bin Abdullah seluas 1.047,25 meter persegi. Musajik ko bajarak sakitar 7 kilometer dari ibu kota Kabupaten Hulu Sungai Selatan, Kandangan.
Aristektur[suntiang | suntiang sumber]
Bantuak bangunan induak Musajik Su’ada barupo persegi ampek, batingkek tigo, mampunyoi loteang nan manutuik gawang/puncah jo petala/petaka nan magah. Kasadnonyo tu punyo makna tatantu sabagai barikuik:
- Tingkek patamo manganduang makna Syariat
- Tingkek kaduo manganduang makna Thariqat
- Tingkat katigo manganduang makna Hakikat
- Loteang manganduang makna Ma’rifat
- Petala/petaka nan magah bakilauan nan dihiasi dek cabang-cabang nan sadang babungo jo babuah malambangan kasampurnaan Ma’rifat
Paristiwa[suntiang | suntiang sumber]
Templat:Naratif Banyak paristiwa nan tajadi saolah-olah aneh, indak rasional tatapi nyato katiko akan sadang dalam pambangunan musajik tu, sarupo angin topan baambuih sabana kareh jo darehnyo nan manyebaban sabatang pohon asam gadang alah condong bana nio maimpok rumah Al Allamah Syekh H. M. Said (pandiri musajik Su’ada). Dicaliak kajadian ko, Al Allamah tu mandakek ka pohon tu jo mandorongnyo balawanan arah, mako dek patolongan Allah SWT angin topan nan dahsyat itu babaliak arah sahinggo pohon asam tu tumbang sarato salamaiklah ulamo tu.
Kajadian lain iyolah salah satu tiang utamo musajik kurang panjang ± 10 cm, sahinggo mangalami kasulitan untuak pandirian bangunan musajik. Karano izin Allah, bisuaknyo tiang tu batambah panjang sasuai keabutuhan. Paristiwa lainnyo, yakni di tangah pajalanan antaro Kalumpang jo Negara, rombongan Al Allamah Syekh H. M. Said kahabisan ikan untuak makan, tibo-tibo saikua ikan gadang malompek ka kapanyo jo akhirnyo urang tu punyo ikan untuak makan basamo. Kajadian lainnyo iyolah rombongan tu pado malam hari di kapa indak dapek lalok karano banyak nyamuak, tibo-tibo dek patolongan Allah SWT, nyamuk tu mailang, sahinggo rombongan Al Allamah Syekh H. M. Said dapek lalok.
Kini ko, Musajik Ba'angkat manjadi salah satu cagar budayo jo objek wisata rohani dek wisatawan lokal.
