Maya Skolastika Boleng
Maya Skolastika Boleng adolah aktivis padusi untuak patani mudo. Maya lahia di Flores 11 Juni 1985. Maya tamaik dari Sastra Inggris Universitas Negri Surabaya pado taun 2010. Maya mamiliah manjadi patani dan manggarikkan anak mudo untuak batani. Maya mulai suko jo dunia partanian katiko duduak di bangku kuliah. Maya manyeo tanah masyarakaik di Pacet, Mojokerto Jawa Timur salueh 3.000 m2.[1]
Maya maaja anak mudo mulai dari anak-anak tamaik SD, SMP, SMA sampai sarjana. Kini alah bagabuang 10 urang anak mudo nan samangaik mangarajoan partanian organik basamo Maya.
Harian Kompas edisi 21 Mei 2018 di halaman 16 jo judul "Maya Skolastika Boleng, Mencetak Petani Muda". Kompas menulihkan ba a proses Maya baraja ilmu partanian organik sacaro otodidak lewat internet.
Taun 2008 Maya babagi ilmu partanian organik nan alah dirintisnyo ka 200 urang anak mudo di Kota Kupang. Taun 2009, Maya jo kalompok tani mudonyo alah mamproduksi sayua mayua, buah, jo bumbu organik bakualitas. hasil partanian organik tu dijua ka supermarket di Surabaya. indak cukuik dana jo modal, akhirnyo usaho iko indak bajalan lai.
Taun 2012, Maya sempat bakarajo di perusahaan biro pajalanan dan wisata. Sasudah anam bulan bakarajo, Maya mamutuihkan untuak baliak ka Mojokerto dan malanjuikkan partanian organik nan alah dirintis dulu basamo kawan-kawan mudonyo. Taun 2013 Mayamanjuahasil pertanian mareka ka hotel-hotel jo pasa rumah tanggo.
Kini Maya jo kawan-kawan dapek manjua bamacam hasil partanian organik ka 1.200 rumah tanggo nan manjadi langganan tatok mareka .
Referensi[suntiang | suntiang sumber]
- ↑ Ama, Kornelis Kewa (21 Mei 2018). "maya skolastika mencetak petani muda". Diarsipkan dari versi asli tanggal 16 September 2018. Diakses tanggal 16 September 2018.