Main sikoci

Main sikoci adolah pamainan tradisional anak nagori di kenagorian Ampek Jurai Kabupaten Pesisir Selatan. Sikoci hanyolah ibarek lokal sajo indak diartikan sabagai parahu panyalamaik di kapa malainkan sikoci adolah batu pipih nan baukuran sagadang kota korek api-api atau labiah nan bafungsi sabagai bundu. Pamainan sikoci dimainkan dek anak laki-laki. Pamainan sikoci di mainkan di halaman dopan umah atau pasia di pantai. Sabalum mamulai pamainan talabih dahulu dibueklah kotak pasegi panjang dan dalam kotak di bagi manjadi anam bagian.

Sabalum malempar sikoci atau gundupara pamain malakukan gambrengan (hom pim pa) untuak dapek manantukan siapo nan akan mamulai pamainan. Pamonang gambrengan iolah nan talabih dahulu mamulai pamainan jo malempar bundu atau sikoci tadi ka kotak partamo. Sudah itu inyo malompat ka kotak atau jo ciek kaki dan mambawok bundu atau sikoci tadi nan barado di tanah jo manggeser jo ciek kaki ka kotak nomor duo. baitu juo sataruihnyo hinggo kotak ka anam. Salamo pamainan kaki si pamain hanyo di pabolehkan ciek kaki manyantuh tanah sadangkan kaki ciek lai indak buliah jatuah manyantuah kotak nan lainnyo.

Jiko sikoci manyantuah garih pambateh dari masiang-masiang kotak nan lainnyo mako inyo di gantikan dek pamain barikuiknyo. Pamaina sikoci iko dapek dimainkan sacaro surang-surang maupun bakalompok. untuak bakalompok biasonyo dimainkan dek ampek urang atau anam urang. Masiang-masiang kalompok berang botak duo sampai tigo urang. Main sikoci iolah sabagai salah ciek pamaianan tradisional nan di mainakan pado wakatu sore atau hari libur manjalang mandi sore di kanagorian Ampek Jurai kabupaten Pesisir Selatan.