Soenarwan
Soenarwan, Prof. Dr. H. ( Lair ing Klatèn 24 Septèmber 1937, agama Islam) ya iku Guru Besar ing Universitas Negeri Maret (UNS) Surakarta. Sakliyané ngajar ing UNS, piyambaké uga isih aktif ing pirang-pirang organisasi kaya ta YAPERTIS, MUI lan P2A Kalurahan Kerten. Rabi kaliyan Ismiyati dianugrahi anak papat, yaiku: dr. Yenny Apriana, dr. Nugrohoaji Darmawan ( isih sinau babagan spesialis kulit ing UNHAS Ujung Pandang), Moch. Ardian Yuanita, SE lan Moch. Bayuaji Meiarso (mhs. Fak. Kedokteran smt. VIII UNS). Piyambaké manggon ing dalan Tamrin No. 20 Solo telp. (0271) 716024 lan padatané bisa ditemoni ing UNS dalan Ir. Sutami telp. (0271) 648939 Surakarta.[1]
Pandhidhikan[besut | besut sumber]
Lulus SD 1951, SMP 1954, lan SMA 1957. Nggayuh S1 ing IKIP Negeri Yogyakarta 1965, nanging S2 lan S3 –é ing IKIP Jakarta.[1]
Kauripan[besut | besut sumber]
Guru Besar Universitas Sebelas Maret (UNS) kang lair sewidak wolu taun kepungkur iku jaman ciliké akrab banget kelawan kauripan ing padesaan. Piyambaké dilairaké lan digedhèkaké ing alam ndesa kang akèhé penduduké nyambut gawé tani.
Panggawéané diwiwiti minangka dosèn ing IKIP Negeri Surakarta. Banjur ing taun 1976, nalika IKIP Surakarta lan pirang-pirang Perguruan Tinggi Swasta ing Surakarta nggabung dadi siji Perguruan Tinggi Negeri, Universitas Negeri Sebelas Maret, piyambaké ngajar ing kéné. Dhèwèke’ naté dadi Dékan FIP lan FKIP UNS. Ing taun 1982 dipercaya dadi Sènior Spésialist ing SEAMO-INNOTECH CENTER Manila. Banjur piyambaké ditugasaké pemerintah nyinaoni salahsawijining proyek babagan PAMONG (Pendidikan Anak oleh Masyarakat, Orang Tua lan Guru)[1]