Krikil (tuwuhan)
Wit krikil (Arytera litoralis) miturut panlitèn K. Heyne sajroné buku Tumbuhan Berguna Indonesia I-IV (Badan Penelitian lan Pengembangan Kehutanan Departemen Kehutanan, 1987), ing Sunda diarani ki lalayu. Ing Jawa saliyané krikil ana sing ménéhi jeneng goléng, penjalinan, sampiraja, lan ing Madura diarani kesamphih rajé.
Wit iki biyasané béngkong. Dhuwuré antarané 10-18 m kanthi gedhé wité 20-50 cm. Tuwuhe kasebar ing sapérangan pulo, kagolong ing Jawa ing dhuwur sangisoré 1.200 m dpl. Kayuné arang dimanfaataké, apa manèh kanggo bahan bangunan omah amarga béngkong nemen lan cilik. Sajroné pangrembakané wit krikil wis arang ditemokaké ing Jawa.[1]
Arané désa[besut | besut sumber]
Désa-désa ing Jawa Wétan/Jawa Tengah/ DIY sing nggunakaké aran Krikil ya iku:
| Nomer | Désa/ Kalurahan | Kacamatan | Kabupatèn/ Kutha |
|---|---|---|---|
| 1 | Krikilan | Driyorejo | Gresik |
| 2 | Krikilan | Sumber | Rembang |
| 3 | Krikilan | Kalijambé | Sragén |
| 4 | Krikilan | Masaran | Sragén |
| 5 | Krikilan | Bayat | Klatén |
| 6 | Krikil | Pangeruyung | Kendal |
Rujukan[besut | besut sumber]
- ↑ Santosa, Imam Budhi (2017). Suta Naya Dhadhap Waru. Yogyakarta: Interlude. kc. 256. ISBN 978-602-6250-42-1.