Kotes
.jpg)
Kotès (Celtis cinnamomea) yaiku salah sawijining wit 'anèh' ing Jawa. Amarga kayuné angganda kaya tai (tènja) sapérangan masarakat ana kang ngarani 'kayu tai'. Amarga akèh sing ora betah kalawan gandané nalika sawisé ditegor (isih seger) amarga gandané sing nyegrak banget. Wit iki isa tuwuh nganti dhuwur watara 20-30 m, kanthi gemang 35-80 cm. Wit kotes dikabaraké naté akeh manggon ing pérangan wetan pulo Jawa.[1]
Miturut panliten K. Heyne ing sajrone buku Tumbuhan Berguna Indonesia I-IV (Badan Penelitian dan Pengembangan Kehutanan Depaertemen Kehutanan, 1987), kayu kotès dikabaraké naté digunakaké kanggo gantiné menyan. Saliyane iku ing Jawa Tengah, sawise kayu kotès iki diremet-remet lan dicampur bawang naté digunakaké kanggo obat lara panas. Ana uga kang nyebutaké yen kayu kotès yen dicampur karo jinten lan tumbar bisa kanggo ngobati weteng mules.[1]
Arané désa[besut | besut sumber]
Désa-désa ing Jawa Wétan/Jawa Téngah/DIY kang nganggo aran Kotès ya iku:
| Nomer | Désa/Kalurahan | Kacamatan | Kabupatèn/Kutha |
|---|---|---|---|
| 1 | Kotès | Gandusari | Blitar |
| 2 | Kotèsan | Prambanan | Klatèn |
| 3 | Kalikotès | Klatèn | Klatèn |
| 4 | Kalikotès | Pituruh | Purworejo |
Rujukan[besut | besut sumber]
- ↑ a b Santoso, Imam Budhi (2017). Suta Naya Dhadhap Waru. Yogyakarta: Interlude. kc. 249. ISBN 978-602-6250-42-1.