Donald Santoso
Donald Santoso ya iku Kapten Timnas Basket Kursi Roda Indonesia, lair tanggal 21 November 1989 ing California, Amérikah Sarékat[1]. Donald Santoso nduwé bojo sing jenengé Aileen Kim Santoso lan nduwe anak siji yaiku Keidance. Ana ing Indonesia jeneng Donald Santosa ora pati misuwur, amarga dhéwéké wiwit SD tekané S2 ana ing Amerika Sarekat. Ananging saiki dhéwéke bisa dikenal akeh uwong, opo manèh ing donya ulahraga, amarga dhéwéké dadi kapten Timnas Olahraga ingkang sepisan.
Sajarah[besut | besut sumber]
Padha kaya bocah liyane kang urip ana ing Negara NBA, Donald cilik seneng marang basket. Kabèh lumaku tanpa ana alangan apa-apa lan kabisanane dolanan basket saya mundhak lan dadi apik. Ananging, uripe malèh sawise oleh cedera ligament nalika umur 17 taun[2]. Kanggo para atlet, cedera ligament bisa mari kanthi dalan oprasi. Nanging kabèh iku ora kanggo Donald, wis kaping 6 anggoné nglakoni oprasi lan kabèh ora ana kasilè. Cedera iku ora nggawé dhéwéké lumpuh kabèh, ananging Donald ora iso lumayu lan dolanan basket kaya mbiyèn manèh.
Sawisé oprasi kang kaping 6, Donald budhal menang Arizona kanggo nglanjutaké S2. Ana ing Arizona anggone dhéwéké kenal marang ulahraga basket kursi rodha. Senadyan angèl semangaté ora tau pedhot. Rasa kelangan anggoné nduwé kabisan lumayu, mlumpat lan kumpulan saiki uwis urip manèh amarga ana basket kursi rodha. Semangat ing uripé sanalika kuwi njedhul maneh. Tékad uga ora bakal nyerah. Salah siji kang dadi idholané yaiku pemainé Cleveland Cavalier, Derick Rose. Rose ora béda karo dhéwéké, pebasket kang ngalami cedera.
Gegayuhan[besut | besut sumber]
Ing pungkasan taun 2017, Donald mutusaké supaya balik menyang Indonésia. Anggoné balik Donald ora amarga tanpa alesan, ananging dhéwéké nduwé gegayuhan kanggo nularaké pengalaman marang wong kang nandang disabilitas, luwih-luwih ing ulahraga basket. Marga niaté kang becik, malahan kabèh kui dadi cikal bakalé Timnas Basket Kursi Roda Indonesia. Ndilalah Indonesia bakal nggelar pésta olahraga disabilitas Asia, Asian Para Games 2018. Amarga iku, anané Timnas Basket Kursi Roda wigati banget supaya Indonésia nduwéni perwakilan ana ing Asian Para Games. Kabèh mau ora ucul saka campur tangané Donald Santoso kang péngén ngembangaké Basket Kursi Roda supaya bisa ngrembaka ning Indonésia.
Kanggo pemain Timnas Kursi Roda Donald lan pelatih Indonesia Fajar Brillianto sing nggolèki dhéwé kanthi cara nyelèksi 40 uwong saka sak Indonesia lan milih 11 wong sing paling apik kanggo dilebokaké ana ing Timnas. Ana rong [3] tantangan nalika nglatih Timnas Basket Kursi Roda, sepisan nglatih fundamental utawa dhasar-dhasar basket lan kapindho yaiku cara nggunakaké kursi roda. Donald ora mung nglatih, ananging dhéwéké uga nggolèkaké kursi roda kanggo para pemain Timnas lewat kancané kang ana ing Amérika lan Australia supaya para pemain Timnas bisa olèh fasilitas sing layak kanggo tandhing ana ing Asian Para Games. Amarga kursi roda sing digunakaké kanggo para pemain Timnas Basket Kursi Roda nduwéni ciri khas dhéwé. Bentuk lan modhèlé uga béda, sakliyané kui panganggoné uga béda, lan kudu nganggo tèknik kang mligi.
Prestasi[besut | besut sumber]
Témbakan three point sing gawé wong nonton bakal dadi gumun, ora mung gumun nanging uga anyel. Anyel amarga dhéwéké sing sampurna ora bisa kaya Donald. Dhéwéké pinter gawe tembakan three point kamangka ora nganggo mlumpat, lan ora bisa obah bébas mindhahaké awaké. Donald tetep thenguk ana ing kursi rodhané. Témbakan kang titis, obahe kang cepet, trengginas, lan tangané sing kuwat ora beda karo wong normal.
Nalika isih kuliah S2 ana ing Arizona State University, Donald dadi kaptèn tim basket kursi rodha. Rong taun mbéla tim basket ing universitasé Donald ditawani lumebu lan dadi salah sijining skuat tim basket kursi rodha Phoenix Suns[4].
Rong taun bareng-bareng Phoenix Suns Donald mutusaké mandhek lan bali menyang negara asalé yaiku Indonesia. Nalika bali ing taun 2017, dhéwéké omongan karo National Paralympic Comittee (NPC) kanggo mbangun timnas basket kursi rodha. Usulane katrima. Timnas kabentuk lan dhéwéké dadi kapten ingkang sepisan. Sakliyane penggagas ngadeké Timnas basket kursi rodha Indonesia Donald Santosa uga pebasket kursi rodha paling apik ing Indonesia.
Rujukan[besut | besut sumber]
- ↑ Fajriansyah, Adrian (2018-10-12). "Donald Santosa, Pencetus Tim Basket Kursi Roda". kompas.
- ↑ Putra, Andhika (2017-12-28). "Cerita Donald Santosa, Atlet Difabel yang Punya Mimpi Mulia". Liputan6.
- ↑ Fajriansyah, Adrian (2018-10-12). "Donald Santosa, Pencetus Tim Basket Kursi Roda". Kompas.
- ↑ Raya, Mercy (2018-09-18). "Tembakan Tiga Angka Donald Santoso Dari Kursi Roda". DetikSport.