Didik Nurhadi
Didik Nurhadi[1] yaiku penggawe seni ning negara Yogyakarta. Dhèwèke juru sungging sing duwèni sipat khas amerga anggone milih gagragè nyungging yaiku figuratif sing nggambarke rupa sing lucu kaya kartun nanging satir lan sinis disunggingke kanthi voluminer. Dhèwèke uga seneng nganggo obyèk wong-wong lèmu ning saben sunggingane. Salah siji karyane sing kondang yaiku Pesta Balon.
Karir[besut | besut sumber]
Mula-mulane, Didik arep melu nerusake tradisi realisme lan surealisme sing wis ana ning Yogyakarta kala 1980-an. Nanging saklakuné wektu dhèwèke luwih seneng nggambarke babagan politik lan sosial uga panguripane masarakat ditampilke kanthi blaka.
Dhèwèke wiwit seneng bab pulitik lan sosial iku kawit dadi mahasiswa ning Fakultas Seni Rupa Institut Seni Indonesia (ISI) Yogyakarta kala 1992.
Karya[besut | besut sumber]
Anggone gawe karya, Didik entuk seka urip bendinane. Warna-warni karyane sing klebu apik kaya ta Pesta Balon, Pesta Ulang Tahun, Selamat Datang Demokrasi, Simbol dan Kenyataan, uga Bapak Poligami. Kabeh iki nampilke obyek sing kritis lan lucu.
Karya liyane Festival Balon kacatet dadi masterpiece. Sunggingan sing dawane pitung meter iki dipamerke kala 2003 ana ing pamerane “Land of Java” ning Darga Galery.
Pangaji[besut | besut sumber]
Nalika 2002 salah sawiji karyane entuk apresiasi ning Indofood Art Awards. Kawit kuwi jenenge dadi kondang ana ing jagat seni rupa Indonesia lan akeh undangan pameran sing wigati. Salah siji undangan sing ditampa kuwi seka art dealer Jais Hadiyana kanthi proyek sunggingan gede.
Komentar[besut | besut sumber]
Kurator Jean Coteau ngandakke yen karyane Didik nduwéni kamèmperan karo karyane juru sungging Kolombia arane Boreto. Pada-pada nggambarake lakon sing lemu lan pothok sing kala-kala naif uga lucu. Bedane luwih kerep gawé lakon sing kaya arep difoto nanging Didik nduduhi komposisi sing luwih warna-warna lan ana jarak.
Panyerat Agus Dermawan ngarani yen Didik kuwi pada karo Priyayi. Yaiku wong sing drajate dhuwur ning masarakat lan nduwé awak sing lemu. Dhèwèke kagum marang karyane Didik sing kerep ngece lelakuning Priyayi liwat sunggingane. Malahan dhèwèke nyandingake karo Umar Kayam pangriptane cerkak Sang Priyayi sing uga lair ning Ngawi.
Sumber[besut | besut sumber]
- ↑ 1978-, Dahlan, Muhidin M.,. Almanak seni rupa Indonesia : secara istimewa Yogyakarta. [Jakarta]. ISBN 9789791436298. OCLC 848263279.
{{cite book}}: CS1 maint: extra punctuation (link) CS1 maint: numeric names: authors list (link)