Ananda Suyono
Ananda Suyono ya iku pangarep Shanti Loka lair tanggal 11 Agustus 1924 ing Kauman, Santri kutha Sala, agama piyambaké Budha. Lulus HIS (Sekolah Dasar zaman penjajahan Belanda), MULO (SMP zaman Belanda), sabanjuré sekolah AMS (Algemeen Middlebare School utawa padha kaliyan SMA) 1942, piyambaké nerusaké lan tamat SMT (SMA). Piyambaké uga naté sinau ana ing Perguruan Tinggi ing Sekolah Tinggi Teknik ingkang samenika dados Institut Teknologi Bandung utawa ITB, ananging boten ngantos rampung.[1]
Kauripan[besut | besut sumber]
Ananda Suroyo lair ing Kauman ingkang duwéni siji anak wonten ing Jakarta lan garwané Shanti Paramita Suyono wonten ing Jl. Ronggowarsito No. 88 Surakarta. Ing zaman perjuangan kemerdekaan Indonesia, taun 1946 piyambaké sampun gabung ing MBT (Markas Besar Tntara), piyambaké wonten ing staff umum / Combat Inteligence ingkang tugasipun ing front Bandung Timur.[1] Taun 1948 penyerangan tentara Belanda kaping kalih, piyambaké gabung kaliyan Pemerintah Militer Kutha Surakarta, piyambaké dados Kepala Jawatan Perekonomian, Kepala Jawatan Keuangan lan Pimpinan "Brain Trust". ingkang nate digrebeg tentara Belanda, banjur dikunjara nganti petang wulan ya iku Agustus 1949.[1]
Taun 1951 piyambaké sampun aktif ing loka spiritual, kaliyan tokoh-tokoh sanesipun kaya ta YA. Maha Thera Ashin Junarakhita, Dr. Parwati lan sanesipun. Kawitan Budha Darma utawa Budhisme, piyambaké uga aktif ing aliran-aliran kebatinan, kaya ta Pancasila Handayaningratan, Theosofi lan Sumarah sarta BKKI (Badan Konggres Kebatinan Indonesia). Ing taun 1958 ngiteri India, aliran kerokhanian/agama suwene sepuluh wulan. Uga nate ning Jepang nem wulan ping pindho.